Pinapaalalahanan ng Philippine Health Insurance Corporation ang lahat ng PhilHealth members na saklaw nito ang mahigit limang libong pisong serbisyo kontra rabies.
Ito ay matapos maitala ang mahigit 400 rabies cases na nag-resulta ng 100% fatality rate noong 2024
Hinihikayat ni PhilHealth President at CEO, Dr. Edwin Mercado, ang mga miyembro na huwag mag-atubiling magpa-konsulta sa oras na makagat o makalmot lamang ng hayop, alaga man o hindi.
Bilang pakikiisa sa National Rabies Prevention and control Committee, muling ipinaalala ng ahensya na kabilang sa coverage nila ang animal bite treatment package.
Laman ng pakete ang bakuna kontra rabies, antibiotics at iba pang supply tulad ng syringe, alcohol at antiseptics.
Habang available ang ABT package sa mahigit 700 accredited abt package providers sa bansa, tiniyak ng state insurer na patuloy nila itong dadagdagan. —sa panulat ni Laica Cuevas
