Hindi na kakayanin pa ng Pilipinas ang karagdagan pang anim na taon ng administrasyong Duterte.
Ito ang sinabi ni Sen. Francis “Kiko” Pangilinan sa gitna ng lumilitaw na posibilidad ng Duterte-Duterte tandem sa 2022 elections.
Ayon kay Pangilinan, hindi na kakayanin pa ng taumbayan ang anim na taon pang pagkakaroon ng araw-araw na patayan, anim na taon pang kamay na bakal at anim na taon pang pagpapaalipin sa China.
Giit ni Pangilinan, nasa kamay ng taumbayan ang pagbabago at posible itong magawa sa 2022 national at local elections.
