Kinasuhan na ng mga awtoridad ang anim pang suspek sa pagpaslang kay Genesis “Tisoy” Argoncillo, ang bilanggong nasawi habang nasa police custody.
Kabilang sa sinampahan ng QCPD ng supplemental complaint para sa kasong murder sina Anthony Lapid, Anthony Tolentino, Raymart Guevarra, Ericon Noriega, Marlon Gandala at Renato Dizon.
June 22 naman nang kasuhan ng murder ng QCPD sina Richard Bautista at Justin Mercado na umano’y mga miyembro ng sputnik gang at nakipag-sabwatan sa iba pang bilanggo para bugbugin si Argoncillo.
Ang mga naturang suspek ay kapwa preso ni Argoncillo sa QCPD station 4 sa Novaliches, Quezon City.
