Ipinakilala na sa mundo ng mag-asawang Prince Harry at Meghan Markle ang kanilang bagong silang na sanggol.
Inilabas ng Royal Family ang kanilang first family photo kasama ang bagong miyembro ng royal family na si Archie Harrison Mountbatten – Windsor.
Masaya ring sinalubong ni Queen Elizabeth II ang kanyang apo sa tuhod na magsisilbi namang ika-pitong tagapagmana ng trono.
Hindi naman nagulat ang marami sa napiling pangalan ng mag asawa taliwas sa tradisyunal na royal names lalo pa’t ito ay sumisimbolo sa nasyonaldidad ng kanyang mga magulang na isang British at American.
