Posibleng palawigin pa ni Pangulong Ferdinand Marcos Jr. ang dalawang-buwang suspensyon ng rice importation at magpatupad ng mas mataas na taripa sa inaangkat na bigas upang mapatatag ang presyo ng palay at maprotektahan ang mga lokal na magsasaka ngayong anihan.
Ayon kay Agriculture Secretary Francisco Tiu Laurel Jr., ipinag-utos na ni Pangulong Marcos na ihanda ang mga kinakailangang kautusan para sa posibleng pagpapalawig ng import freeze.
Nabatid na ipinatupad ang rice import suspension noong Setyembre a-uno at nakatakdang magtapos sa Nobyembre 2.
Layon nitong matulungan ang mga magsasaka na makabawi mula sa pagbagsak ng presyo ng palay bunsod ng pagdagsa ng mas murang imported na bigas.
— sa panulat ni John Riz Calata
