Wala pang paramdam ang hazing suspect na si Ralph Trangia kung tatanggapin na nito ang alok ng DOJ o Department of Justice na isailalim siya sa WPP o Witness Protection Program
Ito’y ayon kay Justice Secretary Vitaliano Aguirre kasunod ng paglilinaw na hindi lamang epektibo kay Trangia ang nasabing alok kung hindi sa pamilya rin nito.
Kasunod nito, muling binigyang diin ni Aguirre na isang potential witness si Trangia depende na rin sa kung ano ang ibubunyag nito sa nangyaring pagpatay kay UST freshman law student Horacio Atio Castillo III.
Magugunitang nagbalik bansa ang mag-nang Ralph at Rosemarie Trangia kamakailan buhat sa Amerika mula nang umalis ang mga ito nuong Setyembre 17.
