Nilinaw ng Department of Interior and Local Government o DILG na hindi konektado sa 31st Association of Southeast Asian Nations Summit o ASEAN ang aktibidad ng ASEAN Youth Forum 2017 o AYF.
Ito ay matapos na makatanggap ng ulat ang DILG na ginagamit umano ng makakaliwang grupo ang ASEAN Youth Forum 2017 na magrecruit ng mga batang kasapi at ihayag ang kanilang agenda.
Paliwanag ni DILG OIC Undersecretary Catalino Cuy, ang ASEAN Youth Forum 2017 ay isang hiwalay na aktibidad at iba ang layunin mula sa ASEAN.
Dagdag ni Cuy, nasa 283 mga opisyal meetings at activities ang inaprubahan ng ASEAN National Organizing Committee at hindi kabilang dito ang AYF 2017.
Kasabay nito nagbabala si Cuy sa publiko kaugnay sa pagsali sa mga aktibidad na inorganisa umano para sa ASEAN.
—-
