Suportado ng Department of Interior and Local Government (DILG) ang hakbang ng mga lokal na pamahalaan para maresolba ang problema sa RFID system ng mga tollways na nagdudulot ng matinding trapiko.
Ayon kay DILG Secretary Eduardo Año, makakabuting pag-usapan ng magkabilang panig ang isyu upang kapwa makahanap ng solusyon.
Samantala, naniniwala si Año na walang magiging epekto sa mga investors o nais mamuhunan ang naging aksyon ng lokal na pamahalaan ng Valenzuela City.
Ito ay matapos na suspendihin ni Valenzuela City Mayor Rex Gatchalian ang business permit ng North Luzon Expressway Coporation matapos na magdulot ng matinding trapiko ang aberya sa RFID system nito.
Sinabi ni Año, mahirap talaga ang biglaang pagpapatupad ng cashless transaction sa tollways at mas marami aniya ang hindi kayang maabot ang deadline nito.