Inilikas ang mahigit 200 pasahero ng Air India flight sa Suvarnabhumi Airport sa Bangkok, Thailand dahil sa hinihinalang bomb threat.
Sakay ang may 231 pasahero ang Air India Flight 332 galing Delhi.
Agad na nagpatawag ng emergency operation ang airport authorities matapos makatanggap ng impormasyon na mayroon umanong sasabog na bomba.
Ang mga pasahero ay inilikas sa isang emergency slide sa Suvarnabhumi Airport.
Isa sa mga pasahero ay naospital dahil sa pananakit ng dibdib habang ang 42 iba pa ay nagtamo ng minor injuries.
Sa bandang huli, natuklasan na ito pala ay false bomb threat.
By Meann Tanbio
