May bagong inspirasyon ngayon ang aktres na si Aiko Melendez.
Ito ay halos isang taon matapos makipaghiwalay si Aiko sa kanyang dating boyfriend na isang Iranian.
Ibinuking ng mga kaibigan ni Aiko na sina Ogie Diaz at Candy Pangilinan na may bagong dini-date ang aktres.
Napa-amin si Aiko na kinikilig siya sa bago niyang ka-date at nangako naman itong ipakikilala ang kanyang bagong inspirasyon sa tamang panahon.
Matatandaang Nobyembre ng nakaraang taon nang aminin ni Aiko na break na sila ng Iranian na si Shahin Alimirzapour.
