Nagbantang maglulunsad ng legal action ang Kapuso star na si Ai-Ai Delas Alas laban sa mga cyber-bully na naninira umano sa kanyang fiance na si Gerald Sibayan.
Sa kanyang Instagram post, ipinakita ni Ai-Ai ang pagsangguni niya sa kanyang abogado kung saan itinanong niya kung anong mga maaaring isampang kaso sa mga cyberbully.
Pinayuhan naman ang aktres ng kanyang abogado na maghain muna sila ni Gerald ng isang report laban sa mga sinasabing bullies sa Justice department o Philippine National Police.
Inabisuhan din ang komedyante na kolektahin ang mga screenshot at tiyakin kung totoong tao ang mga cyberbully o fake.
Samantala, inihayag naman ni Ai-Ai na dapat mag-ingat sa paggamit ng internet na minsan ay nakasasama sa halip na makabuti.
