Sinupalpal ng aktor na si Ahron Villena ang singer-comedian na si Cacai Bautista sa pahayag hinggil sa kanila umanong “past romance.”
Sa kanyang Twitter account, muling itinanggi ni Ahron na nagkaroon sila ng relasyon ni Cacai.
Anya, nanahimik lamang siya noon dahil marunong siyang rumespeto sa babae.
Dahil sa pagiging close lalo sa kanilang mga larawang naka-post sa social media pages, umugong ang tsismis na nag-date sina Cacai at Ahron noong 2015.
Gayunman, una ng nilinaw ng aktor noong isang taon na walang namamagitang ispesyal na relasyon sa kanila ni Cacai na tinawag naman niyang best friend.
By Drew Nacino
