Rerepasuhin na ng Metro Manila Mayors ang age restriction sa mga bata sa pagbisita sa shopping malls.
Ito’y makaraang mapa-ulat sa social media na isang lalaking dalawang taong gulang ang tinamaan ng COVID-19, matapos pumunta sa mall kamakailan.
Aminado si Interior Secretary Eduardo Año na nakalulungkot ang sinapit ng bata kaya’t muli nilang pina-a-alalahananang lahat na ugaliing sumunod sa public health protocols.
Hangga’t maaari anya ay iwasan muna ng mga magulang na dalhin ang kanilang mga anak sa mall o mag-ingat kung hindi naman maiwasang pumunta.
Binigyang-diin ng kalihim na bagaman bumababa ang COVID-19 cases, hindi pa rin naman nawawala ang pandemya. —sa panulat ni Drew Nacino
