Pinaiimbestigahan na ng pamunuan ng Philippine National Police (PNP) ang modus ng ilang tiwaling pulis laban sa mga detenido.
Ito’y kahit may kautusan nang hawak ang mga ito mula sa korte matapos silang makapagbayad ng piyansa sa mga kasong kanilang kinahaharap.
Ayon kay PNP Chief P/Gen. Guillermo Eleazar, inatasan na niya ang Integrity Monitoring and Enforcement Group (IMEG) para tingnan at siyasatin ang naturang modus.
Batay sa nakarating na sumbong sa kaniya, sinabi ni Eleazar na sadyang pinatatagal umano ng ilang mga tiwaling pulis ang paglaya ng mga detenido upang makapangikil sa mga ito.
hindi natin papayagan ang ganitong uri ng korupsyon sa aming hanay, at tinitiyak ko na mamalasin ang sinumang utak kriminal na pulis ang sangkot dito.
Ang tinig ni PNP Chief P/Gen. Guillermo Eleazar.
