Nakatanggap ng medalya ang ilang sundalong nakipaglaban sa mga miyembro ng Dawlah Islamiyah-Maute Group sa Lanao del Sur.
Nagmula ito kay Armed Forces of the Philippines (AFP) Chief of Staff General Andres Centino kasabay ng pagbisita ng heneral sa Camp Ranao sa Marawi City.
Kabilang sa ginawaran ng gold cross medal ng chief of staff sina 2nd Lieutenant Kevin Camua; Sergeant Jonathan Lictawa; at Corporal Charlie Angcat.
Nitong Marso a-2 unang naglunsad ng operasyon ang joint task group haribon sa ilalim ni Brigadier General Cuerpo, laban sa nasa dalawampung local terrorist sa barangay Ilalag sa Maguing, Lanao del Sur.
Nasawi sa operasyon ang siyam na miyembro ng Dawlah Islamiyah-Maute sa ilalim ni Abu Zacharia. —sa panulat ni Abby Malanday