Naka-antabay na rin maging ang mga tauhan ng Joint Task Force National Capital Region ng Armed Forces of the Philippines (AFP) para sa paggunita ng taunang traslacion ng poong itim na Nazareno sa taong ito.
Ayon kay Task Force Spokesman 1st Leiutenant Arriane Bichara, tututukan ng kanilang tropa ang mga aktibidad na nakasentro sa mga misang idaraos sa tinatawag na extension ng Basilika Minore ng Quiapo.
Magpapatupad aniya ng Stability and Security Operations (SASO) ang mga tropa mula sa Philippine Army, Navy at Air Force bilang kanselado naman ang tradisyunal na prusisyon dahil sa COVID-19 pandemic.
Dahil dito, tutulong ang militar sa pulisya upang tiyakin na nasusunod ang minimum health protocols tulad ng pagsusuot ng facemask, face shield at pagpapanatili ng physical distancing sa mga lugar na pagdarausan ng misa.
