Kumpiyansa ang AFP o Armed Forces of the Philippines na nananatiling buhay pa ang German hostage ng Abu Sayyaf na si Juergen Kantner.
Taliwas ito sa naging kumpirmasyon ni Philippine National Police o PNP Chief Ronald “Bato” Dela Rosa na pinugutan nga ang bihag batay sa natanggap nilang intellegence reports.
Ayon kay AFP Spokesman B/Gen. Restituto Padilla, nananatili silang nasa search and rescue posture hangga’t walang bangkay ang natatagpuan.
Apila naman ni Padilla, huwag nang palakihin pa ang mga negatibong balita dahil mapapalakas lamang nito ang propaganda ng mga terorista na maghasik ng takot sa mga Pilipino.
By Jaymark Dagala |With Report from Jonathan Andal
