Nanindigan ang Commission on Elections (COMELEC) na hindi na nito palalawigin pa ang pagpapa-file ng accreditation ng foreign observers o banyagang magmamasid at sasaksi sa eleksyon.
Ayon sa COMELEC, bahagi na ng eleksyon ang pagmamasid ng mga foreign observer partikular ng mga mamamahayag upang matiyak na magiging transparent ang proseso ng botohan.
Ipinabatid ng poll body na nagsimula ang filing ng accreditation ng mga foreign observer noong Pebrero 15 at magtatagal hanggang sa Abril 18.
Pinapayuhan ng COMELEC ang mga nagmamasid na banyaga na magtungo lamang sa education at information department ng COMELEC.
By Meann Tanbio | Allan Francisco