Hindi New People’s Army kundi ang Abu Sayyaf Group ang responsable sa pagdukot sa 3 dayuhan at 1 pinay sa isang resort sa Samal Island, Davao del Norte.
Inihayag ito ni Lt. General Aurelio Baladad, pinuno ng Eastern Mindanao Command.
Sinabi ni Baladad na pinakilos na nila ang kanilang air, ground at naval assets para maaresto ang mga miyembro ng Abu Sayyaf na nasa likod ng naturang pagdukot.
Hindi bababa sa 11 ASG ang pinaniniwalaang sangkot sa kidnapping nang umatake ang mga ito sa Oceanview Resort sa baranggay Camudmud habang natutulog ang mga biktima.
By: Meann Tanbio
