Itinalaga ng Bureau of immigration (BI) ang 99 na mga bagong immigration officer nito sa Ninoy Aquino International Airport (NAIA).
Sa abiso ng BI, sinabi nito na ang mga bagong recruit ng ahensya ay layong makatulong sa pagpapalakas ng manpower sa mga paliparan sa bansa.
Mababatid na ang mga bagong recruits na ito ay pawang nakakumpleto ng tatlong buwang training sa immigration laws, rules maging ang proceedings.
Kasunod nito, nagpaalala si BI Commissioner Jaime Morente, na kanilang ipakita ang pagiging propesyonal sa kanilang trabaho gayunding ang katapatan sa kanilang mga ginagawa.
Sa huli, sinabi pa ni Morente, na maliban sa pagpigil ng mga immigration officers sa para makapasok ang mga kahina-hinalang dayuhan, kanya ring inatasan ang mga ito na maging alerto para hindi mabikta ng Human Trafficking ang ating mga kababayan.
