Patay ang siyam na sundalo habang sugatan ang siyam na iba pa sa panibagong karahasan sa Mali.
Ayon sa ulat, nakasagupa ng tropa ng militar ang isang armadong grupo sa bayan ng Bandiagara.
Hinihinala na ang pag-atake ay kagagawan ng mga rebelde na madalas sumasalakay sa mga matataong lugar at nagtatanim ng roadside bombs.
Samantala, inihayag ng United Nations na noong nakaraang taon lamang ay daan-daan ang nasawi dulot ng mga karahasan sa naturang bansa.
