Inanunsiyo ni National Task Force (NTF) against Covid-19 Deputy Chief Implementer Vince Dizon na 9 pang probinsya at mga Highly Urbanized Cities (HUCs) ang idinagdag sa listahan ng mga lugar na nasa ilalim ng Alert level 1.
Ito ay dahil sa magandang resulta ng ika-4 na Bayanihan, Bakunahan na programa ng pamahalaan.
Kabilang sa mga probinsyang inilagay sa Alert level 1 ay ang Zambales, Nueva Ecija, Batangas, Lucena City, Iloilo City, Cebu city, Ormoc City, Tacloban City, at Butuan City.
Ayon kay Dizon, gumagawa na sila ng paraan upang agad na makamit ang antas ng pagbabakuna at maibaba sa Alert level 1 ang status sa iba pang lugar ngayong buwan ng Marso.
Sinabi ni Dizon na malaki din itong tulong sa pagsulong ng ekonomiya ng ating bansa. —sa panulat ni Angelica Doctolero
