Sugatan ang walo (8) katao sa pagsalpok ng isang cement mixer truck isang gusali sa Guagua Pampanga matapos umano mawalan ng preno.
Ayon sa ulat, nahagip pa ng nasabing concrete mixer ang isang motorsiklo at isang jeep bago ito tuluyang bumangga sa building.
Samantala, nananatili pa rin sa ospital ang dalawang sakay ng nabanggang motorsiklo habang nakauwi na ang anim na iba pang nasugatan sa insidente.
Wala namang isinampang kaso laban sa truck driver na si Ronald de Leon matapos makipag-areglo ang kumpanya nito sa mga biktima.
—-
