Patay ang walong sibilyan habang sugatan ang maraming iba pa matapos tamaan ng rocket ang Green Zone na tahanan ng maraming embahada sa Kabul, Afghanistan.
Ayon kay interior ministry spokesman Tariq Arian, isinakay ng mga terorista sa isang maliit na truck ang rocket bago ito pinaputok.
Iniimbestigahan pa ngayon kung paano nakapasok sa lungsod ang truck nang hindi natunugan ng mga awtoridad.
Samantala, itinanggi naman ng mga Taliban fighters na may kinalaman sila sa pag-atake.
