Nasawi ang 8 katao na nakasakay sa jeep matapos tangayin ng baha sa Tanay Rizal, sabado ng gabi.
Karamihan sa mga binawian ng buhay ay mga senior citizen at isang bata.
Batay sa isang residente, nakasakay ang mga biktima sa isang jeep ngunit pagkatapos tumawid sa ilog ay biglang rumagasa ang tubig at natangay ang sasakyan.
Rumesponde naman ang mga residente ng barangay matapos makitang nakatagilid ang jeep sa gitna ng tubig-baha.
Nananatili sa covered court ng barangay ang anim sa mga bangkay habang dalawa ang nakuha na ng kanilang mga kamag-anak.
Patuloy namang pinaghahanap ng mga awtoridad ang dalawa pa na pinaniniwalaang tinangay ng rumaragasang tubig-baha. – sa panunulat ni Maze Aliño- Dayundayon
