Walo (8) katao ang natagpuang buhay, dalawang araw makaraang matabunan ang mga ito ng avalanche sa Italya.
Kabilang sa mga narekober nang buhay ng mga rescuer ay dalawang bata na natabunan ng niyebe sa Rigopiano Hotel.
Kwento ng mga survivor, nagtago ang mga ito sa isang bahagi ng gumuhong kisame ng hotel at nagpainit sa pamamagitan ng pagsisindi ng apoy.
Samantala, aabot naman na sa apat ang kumpirmadong patay habang dalawampu (20) pa ang nawawala sa naturang avalanche.
Nagpapatuloy naman ang search and rescue operations ng mga awtoridad sa Italya.
By Ralph Obina
Photo Credit: AP
