Tatlong (3) Indonesian crew ng isang Malaysian fishing vessel ang napaulat na nawawala habang naglalayag sa bahagi ng Tawi-Tawi.
Ayon kay Taganak Coast Guard, Enero 19 nang madiskubre ang abandonadong fishing vessel na BN 838 na pinaniniwalaang galing Malaysia.
Natagpuan sa loob ng bangkang pangisda ang Malaysian pass mula sa tatlong tripulanteng Indonesians na sina Subandi Bin Sattu, Sudarling Samansung at Hamdan Bin Salim.
Narekober din sa bangka ang cellphone, Indonesian passport ni Subandi at ilang phone accessories.
Hindi pa malinaw sa ngayon kung dinukot ng grupong Abu Sayyaf ang naturang mga dayuhang tripulante.
By Ralph Obina
