Aabot sa 76 na mga job order workers ng Lungsod ng Caloocan ang nabigyan ng libreng bisikleta.
Sa isang pahayag ni Caloocan City Mayor Oca Malapitan, ang mga ipinamigay na bisikleta sa mga tauhan ng lungsod ay bahagi aniya ng 100 na mga bisikleta na donasyon ng Masterbatch Philippines Incorporated.
Ani Malapitan, ang mga tauhan ng lungsod na nakatanggap ng mga libreng bisikleta ay mga napili nila na maging benepsyaryo ng programa makaraang magpadala ang mga ito ng liham sa alkalde.
Sa huli, nagpasalamat si Malapitan sa nagbigay ng donasyon na aniya’y talagang magagamit ng mga job order workers ng lungsod lalo na sa kanilang pang-araw-araw na pagtupad ng kanilang tungkulin sa lungsod.
