Lumalabas na 71% ng pamilyang Pilipino ang nakatanggap na ng pinansyal na tulong mula sa gobyerno mula noong nagsimula ang COVID-19 pandemic.
Ito’y batay sa Social Weather Stations (SWS) survey kung saan hindi ito nalalayo o mas mababa pa sa 72% na naitala noong July 2020.
Ibig sabihin umano nito ay walang naging pagtaas sa bilang ng mga pamilyang nakatanggap subsidiya mula sa gobyerno sa pagitan ng Hulyo at Setyembre.
Sa kaparehas din na survey lumabas na 67% ng pamilya ang nakatanggap ng ayuda ng isang beses, 29% ang nakatanggap ng ayuda ng 2 beses, 3% ang nakatanggap ng 3 beses at 1% ang nakatanggap ng tulong ng 4 na beses.
Samantala, 71% naman ang pamilyang nagsasabi na nakatanggap sila ng nasa P7,531 na halaga ng ayuda mula nang magsimula ang COVID-19 pandemic.
