Pitong (7) sundalo ang sugatan matapos pasabugan ang sinasakyan nilang military truck sa Jolo, Sulu kaninang umaga.
Nabatid na pauwi na ang mga sundalo sa kanilang kampo nang hagisan sila ng granada ng mga hindi pa natutukoy na suspek malapit sa Plaza Marina sa barangay Walled City sa nasabing bayan.
Kinilala ang mga sugatang sundalo na sina Sgt. Zandro Sambrano at Ferdinand Bisnar, Corporals na sina Juanito Taguiam Jr., Arthmanatad, Arnel Pascual, Louis Limayog at Calpasi Olli.
Agad namang isinugod sa Heneral Teodulfo Bautista Trauma Hospital ang mga sugatang sundalo habang patuloy pang inaalam kung sino ang nasa likod ng pag-atake.
By Jaymark Dagala
