Patay ang 68 preso o bilanggo habang sugatan naman ang 25 pa sa naganap na riot sa loob ng pinaka malaking kulungan sa bahagi ng Guayaquil, Ecuador.
Sa nakuhang impormasyon, nagsimula ang away at barilan ng dalawang grupo dahil sa umano’y international drug cartel.
Ayon sa mga otoridad, inabot ng isang buong araw ang hidwaan sa pagitan ng dalawang magkaribal na gang group.
Dahil dito, umabot ng siyam na raang police officers ang rumesponde para makontrol o mapigilan ang sitwasyon sa pagitan ng dalawang grupo.
Sa ngayon, iniimbestigahan pa ng mga otoridad kung sino ang nagsimula ng pangyayari. —sa panulat ni Angelica Doctolero
