Nakagraduate na mula sa Rehabilitation Program ng Philippine National Police PNP ang nasa 654,000 drug dependents na sumuko sa mga otoridad noong kampanya kontra iligal na droga sa ilalim ng Administrasyong Duterte.
Sinabi ni PNP Police chief Gen. Rodolfo Azurin Jr. na sumasalamin sa 53.11% ng kabuuang bilang ng mga drug personalities na sumuko ang 654,228 na nakapagtapos sa Recovery and Wellness Program ng ahensya.
Sa pinakahuling datos ng PNP, nasa 1,231,894 na ang bilang ng mga drug users at pushers na sumuko.
Mababatid na ang Recovery and Wellness Program ay sentro ng Anti-Illegal Drugs Operations through Reinforcement and Education, na nasa huling bahagi ng Anti-Drug Strategy ng PNP. —sa panulat ni Hannah Oledan
