Napagkasunduan ng mga alkalde sa Metro Manila na irekomendang isailalim na sa alert level 1 ang rehiyon simula Marso a-1.
Ayon kay Parañaque City Mayor at Metro Manila Council Chairman Edwin Olivarez, ito ang naging resulta ng kanilang pagpupulong kagabi.
Sa ilalim ng alert level 1, pinapayagan na ang intrazonal at interzonal travel anuman ang edad at comorbidities.
Pinapayagan na rin ang full capacity sa mga establisimyento basta’t naipapatupad ang minimum public health standards. —sa ulat ni Jopel Pelenio (Patrol 17)
