Patay ang 60 Houthi rebels at nawasak naman ang nasa walong sasakyang pangmilitar sa sunod-sunod na isinagawang 19 na operasyon ng Saudi-Led coalition sa Yemen.
Ayon sa isang Yemeni Military Official, sinabi nitong isinagawa ang operasyon sa kanluran ng Marib at lalawigan ng Al-Jawf sa hilaga.
Agawan sa kabisera ng Sanaa ang pinagmulan ng sagupaan, kung saan mayaman sa langis ang naturang lungsod dahilan kung bakit kinakamkam ito ng mga rebeldeng Houthis.
Ayon sa tala ng United Nations mula nagsimula ang sagupaan sa Yemen taong 2015, libu-libong indibidwal na kabilang ang mga sibilyan ang naiulat na namatay at milyun-milyong tao rin ang nawamalan ng tinitirahan.—sa panulat ni Joana Luna
