Tinanggal na sa serbisyo ang 6 na pulis sa Caloocan City matapos kunin ang P 14,000.
Kinilala ang mga suspek na sina, Police Corporals Noel Espejo Sison, Rommel Toribio, Ryan Sammy Gomez Mateo, Jake Barcenilla Rosima, Mark Christian Abarca Cabanilla, at Daryl Calija Sablay of the Caloocan City Police Drug Enforcement Unit.
Ayon sa National Capital Region Police Office (NCRPO) napatunayang guilty ang mga nasabing suspek
Ipinabatid ni NCRPO Chief Police Brigadier General Jonnel Estomo na patuloy nilang susugpuin ang mga taktika at iregularidad na aktibidad na ginagawa ng kanilang mga tauhan.
Matatandaang nuong Marso, papunta sana ang vendor na si Eddie Yuson para bumili ng hapunan para sa kanyang mga anak nang harangin umano siya ng mga pulis at halungkatin ang kanyang bag.
Samantala, nakuhanan naman sa CCTV footage ang naturang insidente, kung saan nakitang hinanap ng mga pulis ang wallet ni Yuson at pagkatapos ay hinampas siya ng mga ito sa ulo.
