Anim na hinihinalang holdaper ang patay matapos makipagbarilan sa mga pulis sa Marcos highway sa Antipolo City, Rizal.
Dakong ala una kaninang madaling araw nang tangkain ng anim na lalaki na holdapin ang isang gasolinahan sa Sitio Boso-Boso, Barangay San Jose.
Gayunman, natunugan sila ng mga miyembro ng Antipolo City police kaya’t sumiklab ang engkwentro sa pagitan ng mga otoridad at grupo ng mga lalaki.
Narekober ng PNP-scene of the crime operatives sa encounter scene ang isang kotse na brown Kia Sedan, motorsiklo at mahigit 40 basyo ng bala mula sa hindi pa mabatid na kalibre ng baril.
Wala namang nakuha sa gasolinahan ang mga lalaking hinihinalang sangkot din dating kaso ng robbery sa Antipolo.—sa panulat ni Drew Nacino
