Timbog ang anim na drug suspects sa magkahiwalay na operasyon ng mga elemento ng Southern Police District (SPD).
Sa Taguig, huli ang isang Randy Oliveros at isa pa matapos mahulihan ng higit 14,000 pisong halaga ng shabu.
Halos 200,000 pisong halaga naman ng umano’y shabu ang nakuha mula sa isa pang lalaki sa Brgy. Lower Bicutan, lungsod pa rin ng Taguig.
Sa Barangay Tanyag, Taguig pa rin, dalawang babae naman ang nakuhanan ng higit 8,000 pisong halaga ng shabu habang isa pang drug suspect ang nahulihan naman ng 85,000 pesos na halaga ng droga.
