Hindi pa rin uubrang madaanan ang ilang pangunahing lansangan sa Cagayan matapos ang naranasang pagbaha sa lalawigan noong isang linggo.
Ayon sa Department of Public Works and Highways (DPWH) Region 2, kabilang sa mga kalsadang sarado pa rin sa mga motorista ay Manila North Road; Sta. Praxedes, Cagayan, gayundin ang Sanchez Mira Bridge sa kahabaan ng Manila North Road.
Samantala, uubrang madaanan naman ng maliliit na sasakyan ang Manila North Road; Sta. Praxedes, Cagayan; Manila North Road at Union, Claveria, Cagayan.
Patuloy ang clearing operations sa putik na tumabon sa mga kalsada sa Cagayan dahil sa nakalipas na pagbaha.
