Patay ang anim katao matapos tupukin ng sunog ang isang residential building sa barangay Tambo, Parañaque City, kagabi.
Kabilang sa mga nasawi sina Marie Joy de Jesus, Ana Dona Agrasada kapwa 26-taong gulang, Daniel Luis Canaria 10-taong gulang, Jake Angelo Amata 3-taong gulang at sina Jomarie Canaria, Jake Amata, kapwa 6-taong gulang.
Ayon sa Parañaque City Fire Department, ganap na alas-6:18 ng gabi nagsimulang sumiklab ang apoy at agad itinaas sa ikatlong alarma bandang alas-6:31 ng gabi.
Tuluyan naman naapula ang sunog alas-9:45 kagabi.
Tinatayang nasa P50,000 ang halaga ng ari-ariang napinsala sa insidente.
Patuloy namang inaalam pa ng mga awtoridad ang sanhi ng sunog.
(Ulat ni Gilbert Perdez)
