Nananatiling stranded sa mga pantalan ang nasa limandaang (500) pasahero.
Ayon sa Philippine Coast Guard o PCG, kasalukuyang nasa mga pantalan ng Palawan, Bicol at Southern Tagalog ang mga stranded na pasahero.
Pinakamarami sa mga ito ay naitala sa El Nido pier na umaabot sa 234 habang 124 naman sa Mabini Port sa Batangas.
Maliban dito, stranded din ang pitong barko at pitong motorbanca.
Una rito sinuspinde ng PCG ang paglalayag ng mga sasakyang dagat dahil sa nararanasan pa ring sama ng panahon.
—-
