Nagpaabot ng tulong si Senador Christopher ‘Bong’ Go sa 500 kutsero at tricycle drivers sa Laoag City na pawang pinadapa ng pandemya ang kani-kanilang pinagkakakitaan.
Ito’y kasabay ng pagpapasinaya ni Senador Go sa isang Malasakit center sa Ilocos Norte kamakailan.
Kabilang sa mga ibinigay ng Senador sa mga kutsero at tricycle drivers, mask at face shield kontra COVID-19, mga food packs, gamot, pati ang ilang mga bisikleta, tablet at iba pa.
Paliwanag ni Go, ang naturang tulong ay napakaliit lang aniya kung iisipin pero hiling ng Senador na sana’y makatulong ang mga ito lalo na ngayong nagpapatuloy ang epekto ng pandemya sa ating mga kabuhayan.
Alam ko po na mahirap ang buhay ngayon , alam ko pong apektado ang inyong hanap-buhay, pagkakalesa, pagda-drive ng inyong mga toda. Hindi lamang po dito sa Laog, sa buong Pilipinas po kaya patuloy kaming umiikot hindi lamang po sa mga nabahan pati na rin po sa mga tinamaan ng pandemyang ito,″pahayag ni Go.