(Updated)
Lima (5) ang patay habang halos limampu (50) ang sugatan sa salpukan ng isang pampasaherong bus at trak sa northbound ng Subic- Clark – Tarlac Expressway (SCTEx) sa bahagi ng Concepcion, Tarlac kahapon ng umaga.
Ayon kay NLEX – SCTEX Traffic Manager at Spokesman Robin Ignacio, pawang mga barangay officials at staff mula sa Naic, Cavite ang mga biktimang lulan ng bus.
Patungo sana ang bus sa Baguio City para sa municipal government team – building at seminar.
Sinabi ni Ignacio na mabilis ang takbo ng bus kaya’t inaalam nila ngayon ang posibilidad na nakatulog habang nagmamaneho ang drayber.
—-
