Nagbitiw na sa puwesto ang limang opisyal ng Department of Tourism o DOT kasunod na rin ng pagpasok ng mga bagong Tourism Secretary Bernadette Romulo-Puyat.
Ayon kay Puyat, ginawa niya ito upang mabigyan sya ng freehand sa pagpili ng mga makakasama sa naturang ahensya.
Kabilang sa naghain ng kanyang resignation si Assistant Secretary Ricky Alegre.
Sinabi naman ni Puyat na mananatili bilang Undersecretary si Benito Bengzon dahil ito ay isang career official at nagserbisyo na sa ahensya sa nakalipas na 33 taon.
Samantala, kinumpirma ng kalihim na nagkausap na sila ni Tourism Promotions Board Head Cesar Montano kaugnay sa 80 milyong pisong halaga ng ‘Buhay Carinderia Project’ ngunit hindi na inilabas ang resulta ng kanilang naging meeting kagabi.
—-
