Paskuhan sa San Juan, pasisinayaan mamaya pangungunahan ni San Juan City Mayor Francis Zamora ang pagpapailaw sa Santolan Town Plaza mamayang gabi.
Ito ay bilang pagbibigay inspirasyon at pag-asa ng Lokal na Pamahalaan sa kanilang nasasakupan na halos dalawang taon nang naapektuhan ng pandemiya.
Matapos pailawan, mag-aalok din ng mga street food bazzar ang Santolan Town Plaza para sa mga bibisita rito ngayong panahon ng kapaskuhan.
Kasabay nito, sinabi ni Zamora na pabor din siya sa mungkahing alisin na ang paggamit ng face shield dahil sa bumababang kaso ng COVID-19 sa rehiyon.
Una nang nagpalabas ng kautusan ang Lungsod ng Maynila na nag-aalis sa paggamit ng face shield sa kanilang lugar.—sa ulat ni Jaymark Dagala (Patrol 9)
