Lima ang sugatan kabilang na ang apat na seafarers na sumailalim sa quarantine matapos maaksidente ang sinasakyan nilang bus sa Pagbilao, Quezon kahapon ng hapon.
Ayon kay Quezon Provincial Police Office Director P/Col. Audie Madrideo, minamaneho ng driver na kinilalang si Gualberto Guzman ang nasabing bus at tinatahak ang highway na sakop ng barangay bukal.
Galing maynila ang nasabing bus at patungong Quezon para ihatid ang mga nasabing seafarers na mula pa sa ibang bansa at sumailalim sa quarantine alinsunod sa guidelines ng Department of Health (DOH) nang sumalpok ito sa isang bahay.
Sugatan ang mga sakay ng bus habang masuwerte namang nakaligtas ang tatlong residente ng sinalpok na bahay.
Agad isinugod ang driver na si Guzman at isa pa nitong pasahero na si Regine Joy Fuentes sa MMG Hospital para lapatan ng paunang lunas.
