4 na miyembro ng gun-for-hire group ang patay matapos makipagbarilan sa mga pulis sa Katipunan Avenue, Quezon City, kaninang madaling araw.
Ayon kay Senior Supt. Ronald Lee, hepe ng criminal investigation and detection group-NCR, pawang miyembro ng piadoso gun-for-hire group na naka-base Nueva Ecija.
Nakatanggap anya sila ng intelligence report na may operasyon umano ang grupo sa katipunan avenue.
Agad sinundan ng mga operatiba ng CIDG special operations division ng PNP-Highway Patrol Group at Quezon City Hall Police detachment ang sasakyan ng mga salarin mula Cubao hanggang makarating ng katipunan.
Bagaman hinarang ng mga pulis ang sasakyan dahil sa pekeng plaka, agad nagpaputok ang mga suspek kaya’t gumanti ang mga otoridad.
Kinilala ang isa sa mga napaslang na si Recto Piadoso, isang dating commander ng communist party of the Philippines-New Peoples Army habang narekober sa kanilang grupo ang ilang baril at granada.
By: Drew Nacino
