Magpapalabas ng consolidated resolution ang Davao City Prosecutor’s Office kaugnay sa apat na iba’t ibang kasong libelo na isinampa nila dating Davao City Vice Mayor Paolo Pulong Duterte at bayaw na si Atty. Mans Carpio laban kay Senador Antonio Trillanes IV.
Ang mga naturang kaso, ayon kay City Chief Prosecutor Atty. Nestor Buts Ledesma ay pag iisahin na lamang at reresolbahin ng city prosecutor dahil halos pareho lamang ang parties involve at maging respondent sa kaso.
Magkakahalintulad din aniya ang isyu sa apat na libel case.
