Nasawi ang tatlong indibidwal habang anim naman ang nasugatan matapos ang naganap na pananaksak sa isang kindergarten sa Jiangxi province sa China.
Ayon sa mga otoridad, nakasuot ng mask at sumbrero ang ”gangster” na umatake sa naturang private kindergarten sa Anfu County.
Nakuhanan ng video ang paglabas ng isang police officer habang bitbit ang mga bata patungo sa ambulansya.
Hindi naman isinapubliko ng mga otoridad ang edad ng mga biktima at nagpapatuloy ang paghahanap sa kwarentay otso anyos na suspek.
Noong Abril, naiulat din ang kaprehong insidente sa isang kindergarten sa Southern China kung saan, dalawang bata ang nasawi at 16 na iba pa ang nasugatan.
