Patay ang tatlo katao habang halos 50 ang sugatan sa nangyaring malakas na pagsabog sa isang panaderya sa sentrong bahagi ng Paris, France.
Tinitignang dahilan ng naturang pagsabog ang pagtagas ng gas sa bakery.
Ayon sa Paris Prosecutor’s Office, dalawa sa mga nasawi ay pawang mga bumbero na kabilang sa 200 bumberong ipinadala sa naturang lugar upang apulahin ang apoy at ilikas ang mga residente.
Sampu naman sa 47 sugatan ay nasa kritikal na kalagayan.
Samantala, posible umanong may kaugnayan ang naganap na pagsabog sa pinakahuling yellow vest rally na nauwi sa karahasan at bandalismo sa paris noong nakalipas na linggo.