Nahuli ang tatlong kalalakihan na naaktuhang ikinarga sa isang motorsiklo ang mga ninakaw na bakal ng tubo sa isang farm sa Gen. Aguinaldo, Cavite, Sabado ng madaling araw.
Naaresto ang mga suspek na kinilalang sina Rolly Ormda Olidan, 42 taong gulang; Bobby Cula Mahilom, 22 taong gulang; at Jonel Caruyan, pawang residente ng nasabing bayan.
Batay sa ulat, naaktuhan ng security guard ng SKZ Farm na pagnanakaw ng mga suspek sa tinatayang 49 piraso na mga bakal na tubo na nagkakahalagang P24,500 sa isang motorsiklo na tinatawag na barang.
Nadakip ang tatlong suspek na nahaharap ngayon sa kaukulang kaso. - mula sa panulat ni Maze Aliño-Dayundayon
